EFE
2 :
13 Datapuwa’t ngayon kay Cristo Jesus kayo
na noong panahon ay nalalayo ay inilapit sa dugo ni Cristo.
14 Sapagka’t siya ang
ating kapayapaan, na kaniyang pinagisa ang dalawa, at iginiba ang pader na nasa
gitna na nagpapahiwalay,
15 Na INALIS
ANG PAGKAKAALIT sa pamamagitan ng kaniyang laman, KAHIT ANG KAUTUSAN NA MAY MGA BATAS AT PALATUNTUNAN; upang sa dalawa ay LALANGIN SA KANIYANG
SARILI ang isang TAONG BAGO, sa
ganito’y ginagawa ang kapayapaan.
Datapuwa’t kung itong si Jesus
mismo ang ating tatanungin hinggil sa kalagayang inilalapat ni Pablo
at ng may akda nitong sulat sa mga Hebreo sa kaniyang sarili ay
sasangayunan naman kaya niya ang gayon? Nguni’t bago tayo pumalaot sa usaping
ito’y atin munang siyasatin, kung ano baga ang layunin nitong Espiritu
ng Dios na namahay at naghari sa kaniyang kalooban.
Kasunod nito’y siyasatin din
naman natin ang layunin ng eksistensiya ni
Jesus sa sangbahayan ni Israel. Sa paguugat na
ito’y matatalastas ninyo kung ito bagang si Jesus ay
naghandog nga ng kaniyang buhay sa Dios sa layuning tubusin
ang sala ng sanglibutan. O, siya’y naging matapat lamang na alipin
nitong Espiritu ng Dios na namamahay at naghahari sa kaniyang kalooban
sa kapanahunang yaon.
Sa
ilog Jordan ay nangyaring si Jesus ay dumaan sa paraan ng bautismo
ni Juan Bautista, na sinasabi,
Mateo 3 :
16 At nang mabautismuhan si Jesus,
pagdaka’y umahon sa tubig: at narito, nangabuksan sa kaniya ang mga langit,
at nakita niya ang Espiritu ng Dios na
bumababang tulad sa isang kalapati, at lumalapag sa kaniya;
17 At narito, ang isang tinig na
mula sa mga langit, na nagsasabi, Ito ang sinisinta kong Anak, na siya kong lubos na kinalulugdan.
Sa mga talata sa itaas ay hindi baga sumagi sa inyo isipan na ang
nabanggit na Espiritu
ng Dios na bumaba
mula sa langit at lumapag kay Jesus ang tinutukoy na sinisintang
Anak ng kaisaisang Dios? Sa ikalilinaw ng usaping ito kung gayo’y
pakaunawain ninyong ang salaysan ni Juan, na sinasabi,
Ang Cordero o ang pitong Espiritu ng Dios
(Espiritu Santo) ay isinugo niya sa buong kalupaan. Na siyang
gumagawa ng kaniyang mga gawa sa pamamagitan ng mga sisidlang hirang
(tabernakulo ng Dios, buhay na templo) sa kalupaan. Si Jesus
sa kalagayang ito’y pinagharian ng Cordero matapos na siya’y umahon sa
ilog Jordan upang isauli ang mga bagay (ligaw na tupa) sa sangbahayan
ni Israel.
Gayon din naman ang
mga tunay na
apostol, matapos
na sila’y hingahan ng nabanggit na Espiritu sa pamamagitan ng bibig ni Jesus.
Na mga Anak na inaring-ganap upang ihakbang niya ang kanilang mga
paa tungo sa kanilang mga kapatid sa apat (4) na direksiyon
(T.H.S.K.) ng sanglibutan na may pangangailangan ng WALANG BAYAD sa
pagaaruga ng kanilang Ama.
.Ang sangkatauhan (Anak ng
Dios) ay nagkakamit ng walang bayad na kalinga sa kanilang Ama
maging siya’y masama man. Sapagka’t siya ang higit sa lahat na
nangangailangan nito, at hindi ang mabubuti sa kaniyang paningin.
Kaya nga isinugo ang Cordero upang sa pamamagitan ng mga sisidlang
hirang sa kalupaan ay alisin niya ang sala ng sanglibutan.
Kung gayo’y maliwanag na ang sinisintang
anak na tinutukoy sa Mat 3:17 ay walang iba, kundi
ang Cordero
(Espiritu ng Dios),
at hindi itong si Jesus na ang katawang pisikal ay ginawa niyang tahanan,
sa ikagaganap ng dakila niyang layunin sa mga ligaw na tupa
sa sangbahayan ni Israel.
Datapuwa’t ang katotohanang ito’y
hindi nakita ng mga kapatid nating puspos ng karunungang panglupa, at
sila’y nagsipanatili sa kalikuan ng kanilang mga pagmamatuwid. Na
naglunsad sa kanila sa maling pagkilala kay Jesus bilang panibagong
Dios ng mga Gentil. Sa gayo’y itinuring siya ng higit sa kaniyang likas
na kalagayan (tao) at kinilalang bagong dios na tagapagligtas ng
kaluluwa at manunubos ng sala. Bunga nito’y nadagdagan na
naman ng isa ang mga diosdiosang sinasamba ng mga karumaldumal na Gentil sa
sanglibutang ito.
Ngayon
nga’y silipin naman natin ang tunay na layunin nitong Espiritu ng Dios,
na sa kapanahunang yao’y namamahay at naghahari sa kalooban
ng sisidlang hirang na si Jesus.
ANG LAYUNIN NITONG
ESPIRITU NG DIOS NA NAGHARI SA KALOOBAN NI JESUS
(Yaong Espiritu ng Dios na natamo niya sa ilog Jordan)
(Mat
3:16-17)
MATEO
15 :
24 Datapuwa’t siya’y
sumagot at sinabi, HINDI AKO SINUGO
KUNDI SA MGA TUPANG NANGALIGAW SA BAHAY NI ISRAEL.
JUAN
10 :
15 Gaya ng pagkakilala
sa akin ng Ama,
at ng sa Ama ay pagkakilala ko; at ibinibigay ko ang aking buhay
dahil sa mga TUPA. (Mat 15:24, Juan 15:13-15)
JUAN
10 :
28 At sila’y binibigyan ko ng walang hanggang
buhay; at
kailan ma’y hindi sila malilipol, at hindi sila aagawin ng sinomang sa aking
kamay.
JUAN
18 :
37 Sinabi nga sa kaniya
ni Pilato, Ikaw nga baga’y hari? Sumagot si Jesus, Ikaw ang nagsasabing ako’y
hari. Ako’y ipinanganak dahil dito, dahil dito ako naparito sa sanglibutan, UPANG
BIGYANG PATOTO ANG KATOTOHANAN. (Mat 15:24) Ang
bawa’t isang ayon sa katotohanan ay nakikinig ng aking tinig.
JUAN
10 :
27 Dinidinig ng aking mga tupa ang aking TINIG, at
sila’y aking nakikilala, at sila’y nagsisisunod sa akin
EZE
34 :
31 At kayong
mga tupa ko, na mga TUPA SA AKING PASTULAN ay
mga TAO, at ako’y inyong Dios, sabi ng Panginoong Dios.
JUAN
17 :
6 Ipinahayag ko ang
iyong pangalan sa mga TAO
(tupa) na ibinigay mo sa akin mula sa sanglibutan: (Mat
18:20) sila’y iyo, at sila’y ibinigay mo sa akin; at TINUPAD
NILA ANG IYONG SALITA. (Mat 15:24)
JUAN
17 :
9 Idinadalangin ko sila: HINDI ANG SANGLIBUTAN ANG IDINADALANGIN KO, kundi yaong mga SA AKIN
AY IBINIGAY MO; sapagka’t sila’y iyo; (Mat 15:24)
JUAN
17 :
26 At ipinakilala
ko sa kanila ang iyong pangalan, at
ipinakilala ko; upang ang pagibig na sa akin ay iniibig mo ay mapasa
kanila, at ako’y sa kanila. (Mat 15:24)
Ang Cordero (Espiritu ng Dios) ay nagwika sa pamamagitan ng
bibig ni Jesus, na siya’y isinugo lamang sa mga nangaligaw na tupa
sa sangbahayan ni Israel, at sinabing ibinibigay niya ang kaniyang buhay
sa mga nabanggit na tupa. Palibhasa nga’y Espiritu siya sa likas
na kalagayan ay maliwanag na siya’y nabubuhay na magpasawalang hanggan.
Kaya’t hindi siya maaaring mamatay alangalang sa kanila, kundi ang buhay
na ibinibigay niya sa kanila ay napakaliwanag na tumutukoy ng ganap sa buhay
na walang hanggan.
Ayon pa’y nakinig sa pagpapatotoo
niya sa katotohanan ang mga nabanggit na tupa (tao), at tinupad
nila ang salita ng Dios (kautusan ng pagibig). Sa kabila nito’y niliwanag niya sa kaniyang
panalangin na ang idinadalangin niya’y ang mga tupa lamang, at hindi ang mga kambing (sanglibutan), at sa kanilang mga tupa (anak ng pagsunod) ay ipinakilala niya
ang pangalan
ng Ama. Nang
sa gayon aniya’y tamuhin din naman nila (tupa) ang pagibig na
tinamo niya (Cordero) mula sa Ama.
Sa tanglaw na ito’y nalalaman
namin, na ang mga bagay na nalahad sa inyo sa maliwanag ay talastas nyo na
ngayon ang isang anyo na lumarawan sa pagkatao ni Jesus. Kasunod nito’y
siyasatin naman natin ang layunin ng eksistensiya ni Jesus sa likas na
kalagayang tao.
Na
sinasabi,
ANG LAYUNIN NG EKSISTENSIYA NI JESUS
JUAN
5 :
19 Sumagot nga si Jesus
at sinabi sa kanila, Katotohanan, katotohanang sinasabi ko sa inyo, HINDI MAKAGAGAWA ANG ANAK NG ANOMAN SA KANIYANG SARILI KUNDI ANG
MAKITA NIYANG GAWIN NG AMA (Abraham);
sapagka’t ang lahat ng mga bagay na kaniyang ginagawa (Gen
26:5), ay ang mga ito rin naman ang GINAGAWA
NG ANAK (Jesus) sa GAYON
DING PARAAN.
GEN
26 :
5 Sapagka’t
SINUNOD NI ABRAHAM ang
aking TINIG, at GINANAP NIYA ang
aking BILIN, ang aking mga UTOS,
ang aking mga PALATUNTUNAN, at ang aking mga KAUTUSAN. (Juan
5:19)
JUAN
10 :
36 Kung hindi ko
ginagawa ang mga gawa ng aking Ama (Abraham), ay
huwag ninyo akong sampalatayanan.
2
SAM 23 :
2 Ang
Espiritu ng Panginoon ay nagsalita sa pamamagitan ko, At ang kaniyang
salita ay suma aking dila.
JUAN
14 :
10 Hindi ka baga
nananampalataya na ako’y nasa Ama, at ang Ama ay nasa akin? ANG MGA SALITANG AKING SINASABI SA INYO’Y HINDI KO SINASALITA SA
AKING SARILI: kundi
ang (Espiritu
ng) AMA na tumatahan sa akin ay gumagawa ng kaniyang mga gawa.
MATEO
5 :
17 Huwag ninyong isiping ako’y naparito upang
sirain ang kautusan o ang mga propeta: ako’y naparito hindi upang sirain,
kundi upang GANAPIN.
JUAN
12 :
50 At nalalaman ko na ANG
KANIYANG UTOS AY BUHAY NA WALANG HANGGAN; ang mga bagay
nga na sinasalita ko, ay ayon sa sinabi sa akin ng (Espiritu ng) AMA, GAYON KO SINASALITA. (Mat 25:46)
JUAN
8 :
40 Datapuwa’t ngayo’y pinagsisikapan ninyo akong
patayin, na TAONG sa inyo’y nagsasaysay ng KATOTOHANAN, na
AKING NARINIG SA DIOS: ito’y hindi ginawa ni Abraham.
Gayon ngang sinasabi ng kaisaisang
Dios, “SINUNOD NI ABRAHAM ang aking TINIG, at GINANAP NIYA ang aking BILIN, ang aking
mga UTOS, ang aking
mga PALATUNTUNAN, at ang aking mga KAUTUSAN.”
Na siya’y ama ng lahi at
ang isa sa kaniyang mga anak sa ngalang Jesus ay ginanap ang gawa
ng kaniyang ama, na sinasabi, “Katotohanan, katotohanang sinasabi ko sa inyo, HINDI MAKAGAGAWA ANG ANAK NG ANOMAN SA KANIYANG
SARILI KUNDI ANG MAKITA NIYANG GAWIN NG
AMA (Abraham); sapagka’t
ang lahat ng mga bagay na kaniyang ginagawa (Gen 26:5), ay ang mga ito rin naman ang GINAGAWA NG ANAK (Jesus) sa GAYON DING
PARAAN.”
Sa gayo’y binigyan niya ng diin
na kung masumpungan ninoman na hindi niya ginagawa ang mga gawa ng ama ng kaniyang lahi na
si Abraham ay huwag aniya siyang sampalatayanan, na siya’y nasa Espiritu
ng Dios at ang Espiritu ng Dios ay nasa kaniya. Sapagka’t
yaon ang sa katawan niya’y gumagawa ng kaniyang mga gawa.
Gaya nitong si Jesus ay
nagwika itong si Samuel na propeta ng Dios, na sinasabi, “Ang Espiritu ng Panginoon ay nagsalita sa pamamagitan ko,
At ang kaniyang salita ay suma aking dila.”
Dahil dito’y niliwanag
ni Jesus sa mga anak ni Israel, na siya’y naparoon sa kanila hindi
upang sirain o labagin man ang mga kautusan ng pagibig, ni
ang mga propeta man, kundi upang ang lahat ng yao’y kaniyang ganapin.
Sapagka’t aniya’y buhay na walang hanggan ang maluwalhating pagtalima
sa mga nabanggit na kautusan, at muli ay kaniyang sinabi, “Ang mga bagay nga na sinasalita ko, ay
ayon sa sinabi sa akin ng (Espiritu ng) AMA, GAYON KO SINASALITA.”
Sa kabila nito’y
nasumpungan niya ang ilan na pinagsisikapan siyang patayin, na taong sa
kanila ay nagsasaysay ng katotohanan na narinig niya sa Dios. Na
yaon nga’y hindi ginawa ni Abraham, sapagka’t ang nasumpungan sa kaniya
ng Dios ay ayon sa naisaad na namin sa itaas.
Nguni’t itong si Jesus,
palibhasa’y sisidlang hirang nitong Espiritu ng Dios ay
may udyok ng nabanggit na Espiritu, na sa mga kinauukulan ay magsaysay
ng katotohanan, hinggil sa ikaliligtas ng kaluluwa at ikatutubos
ng sala.
Ano pa’t sa kalagayan niyang yao’y muli niyang isanaad sa mga
kinauukulan ang mga sumusunod,
JUAN
15 :
13 Walang may lalong
dakilang pagibig kay sa rito, na IBIGAY NG ISANG TAO ANG KANIYANG BUHAY DAHIL SA KANI- YANG MGA KAIBIGAN.
Ngayon nga’y maliwanag na sinasabi sa talata, na sa ngalan ng pagibig ay buhay na ng isang tao ang
itinataya alangalang sa kaniyang mga kaibigan. Sa makatuwid baga’y sila
yaong mga ligaw na tupa ng Israel na tinutukoy sa Mat
15:24, at sa pagpapatuloy ay sinabi,
JUAN
15 :
14 Kayo’y aking mga KAIBIGAN, kung
gawin ninyo ang mga bagay na iniuutos ko sa inyo.
15 Hindi ko na kayo
tatawaging mga ALIPIN; sapagka’t hindi nalalaman ng alipin
kung ano ang ginagawa ng kaniyang panginoon:
nguni’t tinatawag ko kayong mga KAIBIGAN; sapagka’t
ang lahat ng mga bagay na narinig ko sa aking (Espiritu
ng) Ama ay mga ipinakilala ko sa inyo.
Kaugnay nito, ang Espiritu
ng Dios na
nananahan at naghahari sa kalooban ni Jesus ay mariing nagwika, gaya ng
nasusulat.
MATEO
20 :
28 Gayon din naman ang Anak
ng tao ay hindi naparito upang paglingkuran, kundi upang maglingkod, at IBIGAY
ANG KANIYANG BUHAY NA PANGTUBOS SA MARAMI. (tupa) (Mat
15:24, Juan 10:15).
MATEO
26 :
28 Sapagka’t ito ang
aking dugo ng tipan, na NABUBUHOS DAHIL SA MARAMI, SA
IKAPAGPAPATAWAD NG MGA KASALANAN (Mat 15:24, Juan 10:15)).
JUAN
17 :
9 Idinadalangin ko sila: HINDI ANG SANGLIBUTAN ANG IDINADALANGIN KO, kundi yaong mga SA AKIN
AY IBINIGAY MO; sapagka’t sila’y iyo; (Mat 15:24)
JUAN
17 :
12 Samantalang ako’y
sumasa kanila (tupa), ay iningatan ko sila sa iyong pangalan
yaong mga ibinigay mo sa akin: at sila’y binantayan ko, at isa man sa kanila’y
walang napahamak, kundi ang anak ng kapahamakan; upang matupad ang kasulatan.
Sa ngalan ng pagibig
ay ibinigay nga ni Jesus ang kaniyang buhay alangalang sa
kaniyang mga kaibigan (ligaw na mga tupa). Na nang siya’y
dakpin ay hindi niya inalintana ang malabis na sakit ng katawan mula sa mga tampalasan, hanggang sa siya’y kanilang
ipako sa krus hanggang sa mamatay.
Ano
pa’t ilang saglit bago malagot ang kaniyang hininga sa pagkakabayubay sa
krus ay sinambitla niya ang dalawang (2) kataga, na sinabi,
JUAN
19 :
30 Nang matanggap nga ni
Jesus ang suka, ay sinabi niya, NAGANAP
NA: at
iniyukayok ang kaniyang ulo, at nalagot ang kaniyang hininga.
Narito, at mula sa
bibig ni Jesus ay binigyang diin nitong Espiritu
ng Dios ang kaganapan ng layunin sa mga ligaw na tupa nitong
sangbahayan ni Israel. Sa katapusan nito’y naganap ang nasusulat
hinggil sa bagay na ito, at naisauling lahat sa orihinal na kawan
ang mga nangaligaw na tupa sa nabanggit na sangbahayan. Taliwas
sa katotohanang ito’y sabihin nyo sa amin, kung sa mga pinag-ukulan ng
kaligtasan ng kaluluwa at katubusan ng mga sala ay kabilang ang mga Gentil,
ni ang mga Samaritano man sa kapanahunang yaon.
Hinggil nga rito’y pakaunawain
nyo nga ang ilang talata na aming ihahayag sa inyo, at pagkatapos noo’y
makatitiyak kayo, na ang layunin nitong Espiritu ng Dios kay Jesus
ay hindi ukol sa sanglibutan, kundi yao’y eksklusibo lamang sa
mga ligaw ng tupa sa sangbahayan ni Israel.
Na
sinasabi,
MATEO
10 :
5 Ang labingdalawang
ito’y sinugo ni Jesus, at sila’y pinagbilinan, na sinasabi, HUWAG
KAYONG MAGSITUNGO SA ALIN MANG DAAN NG MGA GENTIL (Efe
4:18), at HUWAG KAYONG MAGSIPASOK SA ALIN MANG BAYAN NG MGA TAGA SAMARIA (Ose
13:16).
6 Kundi bagkus magsiparoon
kayo sa mga TUPANG
NANGAWAGLIT SA BAHAY NI ISRAEL (Mat
15:24).
7 At samantalang kayo’y
nangaglalakad, ay magsipangaral kayo, na mangagsabi, Ang kaharian ng langit ay malapit na.
8
Mangagpagaling
kayo ng mga may sakit, mangagpabangon kayo ng mga patay,
mangag- linis kayo ng mga ketong, mangagpalabas kayo ng mga
demonio: tinanggap
ninyong walang bayad, ay ibigay ninyong walang bayad.
Napakaliwanag nga na
sa mga ligaw
na tupa sa sangbahayan ni Israel
ay hindi kabilang ang boong kalahian ng mga Gentil, at Samaritano.
Sapagka’t mahigpit na ipinagutos sa labingdalawa (12) na sila’y huwag
nilang paroonan, bagkus ay mariing sinabi na sadyain nila ang mga nabanggit na tupa
at habang sila’y nangaglalakad sa gitna nila’y ihahatid sa kanila ang mabuting
balita na tumutukoy sa nalalapit na kaharian ng langit.
Sapagka’t
sa kapanahunang yao’y dumaranas ang mga nabanggit na tupa ng matinding
pagdarahop, kapighatian sa mga karamdaman, at ang ilan sa kanila’y inaalipin na
ng mga demonio. Kaya nga sa labingdalawang (12) apostol ay mariin ding
sinabi, na huwag tatanggap ng anomang bayad, nang dahil sa sila (mga
ligaw na tupa) ay nasa kalagayan ng matinding paghihirap sa buhay sa
kapanahunang yaon.
Sa tanglaw na ito ng
ilaw ay nahayag sa maliwanag na ang mga Gentil,
at Samaritano ay hindi kabilang sa mga tupa (anak ng pagsunod),
kundi sa kalipunan ng mga kambing (anak ng pagsuway), na
katotohanang nagtutumibay ngayon sa inyong harapan.
Sa
pamamagitan ng katotohanang ito’y ganap ngang nasupil ang mga pinaglubidlubid
na kasinungalingang nasasaad sa mga sumusunod na talata. Na sinabing ukol
sa mga Gentil ang ginanap na gawain ni Jesus sa sangbahayan
ni Israel,
TAGAPAGLIGTAS AT
MANUNUBOS NG MGA GENTIL
EFE
2 :
11 Kaya nga alalahanin
ninyo, na kayo noong una, mga Gentil sa
laman, tinatawag na Di-pagtutuli niyaong tinatawag na Pagtutuli
sa laman, na ginawa ng mga kamay:
12 Na kayo nang panahong
yaon ay mga hiwalay kay Cristo, na mga di kabilang sa bansa ng Israel, at mga
taga ibang lupa tungkol sa mga tipan ng pangako, na walang pagasa at walang
Dios sa sanglibutan.
13 Datapuwa’t ngayon kay Cristo Jesus kayo na
noong panahon ay nalalayo ay inilapit sa dugo ni Cristo.
14 Sapagka’t siya ang
ating kapayapaan, na kaniyang pinagisa ang dalawa, at iginiba ang pader na nasa
gitna na nagpapahiwalay,
15 Na INALIS
ANG PAGKAKAALIT sa pamamagitan ng kaniyang laman, KAHIT ANG KAUTUSAN NA MAY MGA BATAS AT PALATUNTUNAN; upang sa dalawa ay LALANGIN SA KANIYANG
SARILI ang isang TAONG BAGO, sa
ganito’y ginagawa ang kapayapaan.
1 Tim 1 :
15 Tapat ang pasabi, at
nararapat tanggapin ng lahat, na si Cristo Jesus ay naparito sa sanglibutan upang
iligtas ang mga makasalanan; na ako ang pangulo sa mga ito;
2
TIM 1 :
10 Nguni’t ngayon ay
nahayag sa pamamagitan ng pagpapakita ng ating TAGAPAGLIGTAS
NA SI CRISTO JESUS, siyang nagalis ng KAMATAYAN, at
nagdala sa liwanag ng buhay at ng walang pagkasira sa pamamagitan ng evangelio.
(Tit 3:6-7)
1
TIM 2
6 Na ibinigay ang
kaniyang sarili na PANGTUBOS SA LAHAT; na
pagpapatotoong mahahayag sa sariling kapanahunan; (Col
1:14)
EFE
1 :
7 Na sa kaniya’y
mayroon tayo ng KATUBUSAN sa
pamamagitan ng kaniyang DUGO, na KAPATAWARAN
NG ATING MGA KASALANAN, ayon sa mga kayamanan ng kaniyang
biyaya. (Tit 2:13)
COL 1 :
13 Na siyang NAGLIGTAS
SA ATIN SA KAPANGYARIHAN NG KADILIMAN, at naglipat sa atin
sa KAHARIAN NG ANAK NG KANIYANG PAGIBIG;
14 Na siyang
kinaroroonan ng ating KATUBUSAN, na
siyang KAPATAWARAN NG ATING MGA KASALANAN;
Ngayon nga’y napakaliwanag na
inyong nasaksihan ang hidwang katuruan nitong si Pablo hinggil sa boong
layunin ni Jesus sa sangbahayan ni Israel. Na pati ang mga Gentil
ay kaniyang isinama sa layunin, at ang kahangalan na naging bunga nito’y naging
Dios na tagapagligtas at manunubos itong si Jesus.
Na
sinasabi,
SI JESUCRISTO AY GINAWANG
bagong DIOS NG MGA HANGAL
FIL 2 :
6 Na siya (Cristo),
bagama’t nasa ANYONG DIOS, ay hindi niya inaring isang bagay na
nararapat na panangnan ang PAGKAPANTAY NIYA SA DIOS.
FIL
2 :
10 Upang sa pangalan ni Jesus ay
iluhod ang lahat ng tuhod ng nangasa langit, at ng nangasa ibabaw ng lupa, at
ng nangasa ilalim ng lupa.
ROMA
9:
5 Na sa kanila ang mga magulang, at
sa kanila mula ang CRISTO ayon sa laman, na siyang LALO SA LAHAT, DIOS NA MALUWALHATI MAGPAKAILAN MAN, Siya
nawa.
Tito 2 :
13 Na hintayin yaong mapalad na
pagasa at ang pagpapakita ng kaluwalhatian ng ating dakilang Dios at
Tagapagligtas na si Jesucristo;
14 Na siyang nagbigay ng kaniyang sarili
dahil sa atin, upang tayo’y matubos niya sa lahat ng mga
kasamaan, at malinis niya sa kaniyang sarili ang bayang masikap sa
mabubuting gawa,
upang maging kaniyang sariling pagaari.
COL 1 :
15 Na siya ang LARAWAN
NG DIOS NA DI NAKIKITA, ANG PANGANAY NG LAHAT NG MGA NILALANG;
COL
2 :
9 Sapagka’t sa kaniya’y
(Cristo) nananahan ang BOONG
KAPUSPUSAN NG PAGKA DIOS sa kahayagan ayon sa laman.
10 At sa kaniya kayo’y napuspos na
siyang PANGULO ng
lahat ng PAMUNUAN
at KAPANGYARIHAN.
COL
1 :
16 Sapagka’t sa kaniya (Cristo)
nilalang ang lahat ng mga bagay, sa sangkalangitan at sa sangkalupaan, na mga
bagay na nakikita at ang mga bagay na di nakikita, maging mga luklukan o mga
pagsakop o mga pamunuan o mga kapangharihan; lahat ng mga bagay ay nilalang sa pamamagitan niya at ukol sa kaniya.
HEB 1 :
3 Palibhasa’y siyang sinag ng
kaniyang kaluwalhatian, at tunay na LARAWAN NG KANIYANG (Cristo) PAGKA DIOS, at
umaalalay ng lahat ng mga bagay sa pama- magitan ng salita ng kaniyang
kapangyarihan, nang ang PAGLILINIS NG MGA KASALANAN, ay LUMUKLOK
SA KANAN NG KARANGALAN SA KAITAASAN.
1 Tim 6 :
14 Na tuparin mo ang
utos, na walang dungis, walang kapintasan hanggan sa pagpapakita ng ating
Panginoong Jesucristo:
15 Na sa kaniyang
kapanahunan ay ipahahayag siya, na mapalad at tanging Makapangyarihan. Hari ng mga hari, at Panginoon ng mga panginoon;
16 Na siya lamang ang walang kamatayan, na nananahan sa liwanag na di malapitan; na di nakita ng sinomang tao, o makikita man: sumakaniya nawa ang kapurihan at paghaharing walang hanggan Siya
nawa.
1 Tim 1 :
17 Ngayon sa Haring walang hanggan, walang kamatayan, di
nakikita, sa iisang Dios, ay ang kapurihan at
kaluwalhatian magpakailan kailan man. Siya nawa.
Tingnan nyo nga ang
nangyari sa mundo nang dahil sa kagagawan nitong si Pablo. Ang marami noon at sa ngayo’y
sumasamba sa hindi Dios (Jesus) at tumatakuwil sa tunay na Dios (Ama).
Kaya nga bagaman may kurot sa paninindigan ng puso at isipan ang mga bagay na
inilahad namin sa maliwanag ay kailangan ninyong tanggapin.
Sapagka’t yao’y pawang katotohanan,
at gaya ng nasusulat ay sinabi,
JUAN
8 :
32 At inyong makikilala ang katotohanan, at ang katotoha- nan ay magpapalaya sa inyo.
Gayon ngang ang mga
salitang nangagsilabas mula mismo sa bibig ni Jesus (evangelio ng kaharian) ay pawang katotohanan, na sa inyo’y magpapalaya sa tanikalang
bigkis nitong likhang evangelio ng di
pagtutuli ni Pablo.
Talastasin nyo ngang ang mga salita
ni Pablo ay walang hanggang kamatayan, samantalang ang
mga salitang isinatinig ni Jesus ay buhay na walang hanggan.
Sa talata
28, na siyang huling talakayin sa kabanatang ito’y sinasabing
inilagay ng kautusan na mga dakilang saserdote
ang mga taong may kahinaan. Nguni’t ang salita ng sumpa (Awit 110:4)
na nauna sa kautusan ay siya di umanong naglagay kay Jesus, na saserdoteng
sakdal magpakailan man.
Hinggil dito ay hindi na namin
pahahabain pa ang paliwanag, sapagka’t ang bagay na ito’y ilang ulit na rin
naming tinanglawan ng ilaw. Ang katotohanan sa usaping ito’y si David
ang inihalal ng Dios sa gayong kabanal na kalagayan, at kailan ma’y
hindi naging si Jesus.
Sa
katotohanang binibigyang diin ng mga katiwatiwalang katunayang biblikal ay si Melquisedec
ang una at itong si David ang pangalawang saserdoteng sakdal
magpakailan man. Na paalaalang kailan ma’y hindi mawawalan ng pastor
ang kawan ng mga tupa. Silang mga saserdote na ayon sa kautusan ng
Dios ay hindi kailan man naging mahina, sapagka’t,
EZE
36 :
27 At AKING ILALAGAY ANG AKING ESPIRITU SA LOOB NINYO
(saserdote), at palakarin kayo ng ayon sa aking mga PALATUN-
TUNAN, at inyong iingatan ang aking mga KAHATULAN, at
ISASAGAWA.
MAL
2 :
6 Ang KAUTUSAN
tungkol sa KATOTOHANAN ay nasa kaniyang bibig, at ang KALIKUAN ay
hindi masusumpungan sa kaniyang mga labi: siya’y lumakad na kasama ko sa
KAPAYAPAAN at KATUWIRAN, at
inilayo sa KASAMAAN ang marami.
7 Sapagka’t ang mga labi ng saserdote ay
dapat mangagingat ng KAALAMAN, At
kanilang marapat hanapin ang KAUTUSAN sa
kaniyang bibig, sapagka’t siya ang SUGO ng Panginoon
ng mga Hukbo.
Ang Dios nga kung gayo’y hindi
hangal, upang maglagay ng mga saserdote na may kahinaan,
sapagka’t para na rin niyang giniba ang kaniyang sarili sa paglalagay ng mga
haligi sa kaniyang tahanan na walang tibay laban sa mga bagay na hatid ng mga
tampalasan. Pagisipan nyo ngang mabuti kung anong uri ng sintido mayroon itong
may akda nitong sulat sa mga Hebreo, na naglalagay sa kaisaisang Dios
sa kahiyahiyang kalagayan.
Ano pa’t kung ang
pagbabatayan ng matuwid hinggil sa usaping ito ay ang tatlong (3) talata (Eze
36:27, Mal 2:6-7) na inilahad namin sa nakaraang pahina ay maliwanag pa sa
sikat ng araw, na ang malabis na kahihiyan ay bumalandra sa may akda ng
nabanggit na sulat. Sapagka’t itinindig niya ang
kaniyang sarili sa kalagayan ng isang taong taglay ang lubhang mababang
antas ng kamalayan sa mga payak na bagay ng Ama nating nasa langit. Sa
makatuwid baga’y siya na taglay sa kaniyang sarili ang naguumapaw na
kahangalan at kahibangan mula sa malabis niyang kamangmangan.
Sa
pagtatapos ng kabanatang ito’y nalalaman namin, na sa pamamagitan ng mga bagay
na nalahad sa inyo sa maliwanag ay napalago nito ang nilalaman ng inyong
kalamayan pagdating sa larangan ng tunay na kabanalan.
Sumainyo
kung gayon ang patuloy na pagpapala ng ating Ama na nasa langit, ngayon,
ngayon, at magpakailan man.
Amin, Amin, Amin
No comments:
Post a Comment